Mauj Mela

“ਮੌਜ ਮੇਲਾ” ਪ੍ਰਸਿੱਧ ਲੇਖਕ ਖੁਸ਼ਵੰਤ ਸਿੰਘ ਦੀ ਆਪਬੀਤੀ (ਸਵੈ-ਜੀਵਨੀ) ਹੈ। ਇਸ ਸਵੈ-ਜੀਵਨੀ ਵਿਚ ਖੁਸ਼ਵੰਤ ਸਿੰਘ ਜ਼ਿੰਦਗੀ ਦੇ ਉਹਨਾਂ ਪਹਿਲੂਆਂ ਨੂੰ ਖੋਲ੍ਹਦਾ ਹੈ ਜੋ ਆਮ ਤੌਰ ’ਤੇ ਲੇਖਕ ਛੁਪਾ ਲੈਂਦੇ ਹਨ। ਇਸ ਰਚਨਾ ਵਿਚ ਉਹਨਾਂ ਨੇ ਆਪਣੇ ਜੀਵਨ ਦੇ ਸੱਚ, ਪਿਆਰ ਅਤੇ ਥੋੜੀ ਬਹੁਤ ਕੜਵਾਹਟ — ਤਿੰਨਾਂ ਨੂੰ ਇਮਾਨਦਾਰੀ ਨਾਲ ਦਰਸਾਇਆ ਹੈ।

“ਮੌਜ ਮੇਲਾ” ਵਿਚ ਖੁਸ਼ਵੰਤ ਸਿੰਘ ਨੇ ਆਪਣੇ ਜੀਵਨ ਦੀਆਂ ਕਈ ਘਟਨਾਵਾਂ, ਤਜਰਬਿਆਂ ਅਤੇ ਰਾਜਨੀਤਿਕ ਦੌਰ — ਖਾਸਕਰ ਐਮਰਜੈਂਸੀ ਦੇ ਸਮੇਂ ਆਪਣੀ ਭੂਮਿਕਾ ਬਾਰੇ ਵੀ ਖੁਲ੍ਹ ਕੇ ਲਿਖਿਆ ਹੈ। ਉਹਨਾਂ ਨੇ ਇੰਦਰਾ ਗਾਂਧੀ ਅਤੇ ਸੰਜੇ ਗਾਂਧੀ ਨਾਲ ਆਪਣੇ ਸੰਬੰਧਾਂ ਬਾਰੇ ਬੇਬਾਕੀ ਨਾਲ ਜ਼ਿਕਰ ਕੀਤਾ ਹੈ।

ਇਹ ਕਿਤਾਬ “Truth, Love & Little Malice” ਦੇ ਅੰਗਰੇਜ਼ੀ ਸੰਸਕਰਣ ਦਾ ਪੰਜਾਬੀ ਰੂਪ ਹੈ, ਜਿਸ ਵਿੱਚ ਖੁਸ਼ਵੰਤ ਸਿੰਘ ਨੇ ਆਪਣੇ ਆਪ ਦਾ ਸੱਚਾ ਚਿਹਰਾ ਪੇਸ਼ ਕੀਤਾ ਹੈ — ਬਿਨਾਂ ਕਿਸੇ ਡਰ ਜਾਂ ਦਿਖਾਵੇ ਦੇ। ਉਹਨਾਂ ਨੇ ਆਪਣੇ ਚਿੱਤਰ ਦੇ ਟੁਕੜੇ ਟੁਕੜੇ ਹੋਣ ਦੀ ਪਰਵਾਹ ਨਹੀਂ ਕੀਤੀ, ਸਗੋਂ ਜ਼ਿੰਦਗੀ ਦੇ ਹਰੇਕ ਪਹਿਲੂ ਨੂੰ ਖੁੱਲ੍ਹੇ ਦਿਲ ਨਾਲ ਸਵੀਕਾਰਿਆ ਹੈ।