Sardaran De Ghore

ਸਰਦਾਰਾਂ ਦੇ ਘੋੜੇ ਵਿੱਚ ਘੋੜਿਆਂ ਨਾਲ ਜੁੜੇ ਇਤਿਹਾਸਕ, ਧਾਰਮਿਕ ਅਤੇ ਸਮਕਾਲੀ ਪੱਖਾਂ ਨੂੰ ਰੁਚਿਕਾਰ ਢੰਗ ਨਾਲ ਦਰਸਾਇਆ ਗਿਆ ਹੈ। ਘੋੜੇ ਨੂੰ ਬਹਾਦਰੀ ਦੀ ਸਵਾਰੀ ਕਿਹਾ ਗਿਆ ਹੈ ਕਿਉਂਕਿ ਇਹ ਸਦਾ ਹੀ ਸ਼ੂਰਵੀਰਤਾ, ਹਿੰਮਤ ਅਤੇ ਯੋਧੇਪਣ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਸਿੱਖ ਇਤਿਹਾਸ ਵਿੱਚ ਘੋੜਿਆਂ ਦਾ ਖ਼ਾਸ ਸਥਾਨ ਹੈ ਅਤੇ ਗੁਰੂ ਸਾਹਿਬਾਨ ਦੀਆਂ ਜੰਗਾਂ ਤੇ ਯਾਤਰਾਵਾਂ ਵਿੱਚ ਇਹਨਾਂ ਦੀ ਭੂਮਿਕਾ ਬੇਮਿਸਾਲ ਰਹੀ ਹੈ। ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਘੋੜਿਆਂ ਦੇ ਅਸਤਬਲ, ਸ਼੍ਰੀ ਹਜ਼ੂਰ ਸਾਹਿਬ ਵਿੱਚ ਸੰਭਾਲੇ ਗਏ ਅਵਸ਼ੇਸ਼ ਇਸ ਧਰੋਹਰ ਦੀ ਯਾਦ ਦਿਵਾਉਂਦੇ ਹਨ।

ਇਸ ਵਿੱਚ ਘੋੜੀਆਂ ਦੇ ਖ਼ਾਨਦਾਨੀ ਸ਼ੌਕੀਨ ਜਤਿੰਦਰ ਸਿੰਘ ਬਾਕਰਪੁਰ ਦਾ ਜ਼ਿਕਰ ਹੈ ਜੋ ਆਪਣੀ ਵਿਰਾਸਤੀ ਰੁਚੀ ਨੂੰ ਅੱਜ ਵੀ ਜਿੰਦਾ ਰੱਖਦਾ ਹੈ। ਘੋੜਿਆਂ ਦੇ ਦੀਵਾਨਾ ਮੰਨੂ ਸ਼ਰਮਾ ਦੀ ਦਿਲਚਸਪੀ ਅਤੇ ਉਸ ਦੀ ਘੋੜਸਵਾਰੀ ਪ੍ਰਤੀ ਲਗਨ ਦਰਸਾਈ ਗਈ ਹੈ। ਮਾਰਵਾੜੀ ਘੋੜਿਆਂ ਦੇ ਸ਼ੌਕੀਨ ਤੇਜਿੰਦਰ ਸਿੰਘ ਬਿੱਲੂ ਕਲਾਰਾਂ ਦਾ ਉਲੇਖ ਵੀ ਹੈ ਜੋ ਇਸ ਖ਼ਾਸ ਨਸਲ ਦੇ ਘੋੜਿਆਂ ਦੀ ਸੰਭਾਲ ਤੇ ਪ੍ਰਚਾਰ ਲਈ ਮਸ਼ਹੂਰ ਹਨ। ਚੈਂਪੀਅਨ ਘੋੜੀ ਮੋਹਿਨੀ ਦੇ ਮਾਲਕ ਸੁਖਵਿੰਦਰ ਸਿੰਘ ਸਿੱਧੂ ਦੀ ਸ਼ਖਸੀਅਤ ਅਤੇ ਉਸ ਦੇ ਸ਼ੌਂਕ ਨੂੰ ਵਿਸਥਾਰ ਨਾਲ ਦਰਸਾਇਆ ਗਿਆ ਹੈ। ਧਰੂਵ ਸਿੰਘ ਕੌਰ ਨੂੰ ਘੋੜਸਵਾਰੀ ਵਿੱਚ ਪੌਪੁਲਰ ਕਿੰਗ ਵਜੋਂ ਜਾਣਿਆ ਜਾਂਦਾ ਹੈ ਜਿਸ ਦੀ ਕਹਾਣੀ ਵੀ ਪਾਠਕਾਂ ਲਈ ਦਿਲਚਸਪ ਹੈ।