Hanni

ਪੰਜਾਬੀ ਨਾਵਲ ਦੇ ਖੇਤਰ ਵਿੱਚ ਪੈਰ ਰੱਖਦਿਆਂ ਹੀ ਵੱਡੇ ਲੇਖਕ ਵਜੋਂ ਜਸਵੰਤ ਸਿੰਘ ਕੰਵਲ ਦਾ ਨਾਂ ਸੂਰਜ ਵਾਂਗ ਦਗਦਾ ਤੇ ਲਿਸ਼ਕੋਰ ਮਾਰਦਾ ਨਜ਼ਰ ਆਉਦਾ ਹੈ। ਉਸ ਦੇ ਸਾਰੇ ਨਾਵਲ ਹੀ ਵਖਰੀ ਭਾਂਤ ਦੇ ਜਿੱਥੇ ਰੂਪਕ ਪੱਖੋਂ ਹਨ ਉੱਥੇ ਉਨ੍ਹਾਂ ਵਿੱਚ ਵਿਸ਼ਾ ਵੀ ਨਿਵੇਕਲਾ ਤੇ ਲੋਕਾਂ ਦੇ ਪ੍ਰਸੰਗ ਦਾ ਹੁੰਦਾ ਹੈ, ਇਸ ਸਬੰਧ ਵਿੱਚ ਉਸ ਦੇ ਲਿਖੇ ਨਾਵਲਾਂ ਦੀ ਲੋਕ ਪ੍ਰਿਯਤਾ ਦੇਖੀ ਜਾ ਸਕਦੀ ਹੈ। ਕੰਵਲ ਦੇ ਨਾਵਲਾਂ ਵਿੱਚ ਔਰਤ ਦੇ ਮਸਲੇ ਨੂੰ ਪਿਆਰ ਅਤੇ ਪਿਆਰ-ਵਿਆਹ ਨੂੰ ਕੇਂਦਰਿਤ ਕਰਕੇ ਯਥਾਰਥ ਦੇ ਅੰਤਰ-ਵਿਰੋਧਾਂ ਅਤੇ ਪਿਆਰ ਫਲਸਫੇ ਨੂੰ ਵੇਦਾਂਤਿਕ ਰੂਪ ਵਿੱਚ ਐਸਾ ਨਿਭਾਇਆ ਗਿਆ ਹੁੰਦਾ ਹੈ ਕਿ ਪੰਜਾਬ ਦਾ ਸਮੁੱਚਾ ਨੌਜਵਾਨ ਵਰਗ ਕੰਵਲ ਨੇ ਨਾਵਲ ਪੜ੍ਹਨ ਵਲ ਲਾ ਦਿੱਤਾ ਹੈ।