Lekhak, Likhat Te Vichardhara

ਲੇਖਕ ਕਿਉਂ  ਲਿਖਦਾ ਹੈ ?  ਉਸ ਦੇ ਮਨ ‘ਚ ਜ਼ਿੰਦਗੀ ਦਾ ਕਿਹੜਾ ਸੁਪਨਾ ਹੁੰਦਾ ਹੈ ਜਿਹੜਾ ਕਾਗ਼ਜ਼ ‘ਤੇ ਉਤਰਣ ਲਈ ਸਦਾ ਤੱਤਪਰ ਰਹਿੰਦਾ ਹੈ ? ਉਹ ਦੁਨੀਆਂ ਨੂੰ ਕਿਵੇਂ ਜਿਹੀ ਦੇਖਣਾ ਚਾਹੁੰਦਾ ਹੈ? ਕੋਈ ਵਿਚਾਰ  ਕਿਹੋ ਜਿਹੀ ਮਾਨਸਿਕਤਾ ‘ਚ ਲੰਘਣ ਤੋਂ ਬਾਅਦ ਕਾਗ਼ਜ਼ ਤੇ ਲਿਖਤ ਬਣ  ਉਭਰਦਾ ਹੈ? ਕਿੱਥੋਂ ਆਉਂਦੇ ਹਨ ਪਾਤਰ? ਅਜਿਹੇ ਬਹੁਤ ਸਾਰੇ ਸਵਾਲ ਹੁੰਦੇ ਹਨ, ਜਿਨ੍ਹਾਂ ਲਈ ਪਾਠਕ ਹੀ ਨਹੀਂ, ਲੇਖਕ ਵੀ ਕਿਸੇ ਨਾ ਕਿਸੇ ਰੂਪ ‘ਚ ਆਪਣੀ ਸਿਰਜਣ ਪ੍ਰਕਿਰਿਆ ਦੌਰਾਨ ਜੂਝਦਾ ਹੈ। ਰਚਨਾ ਦੇ ਪਿਛੋਕੜ- ਸੰਸਾਰ, ਸਿਰਜਣਾਤਮਿਕਤਾ ਦੇ ਅਮਲ ਤੇ ਵਿਚਾਰਧਾਰਾ ਦੀ ਟੋਹ ਲਾਉਣ ਦੀ ਤਲਾਸ਼ ਹਨ ਇਹ ਲਿਖਤਾਂ  ਵੱਖ–ਵੱਖ ਦੌਰਾਂ ਤੇ ਵੱਖ–ਵੱਖ ਸਮਿਆਂ ਚ ਪਸਰੀਆਂ, ਆਪਣੇ-ਆਪੇ ਤੇ ਆਪਣੀਆਂ ਸਥਾਪਨਾਵਾਂ ਤੇ ਉਕਰੀਆਂ ਕੁਝ ਤਾਂ ਉਮੜੇ ਸੁਆਲਾਂ ਵੱਲ ਸੇਧਿਤ   ਹਨ ਤੇ ਕੁਝ ਇਹਨਾ ਸੁਆਲਾਂ ਨੂੰ ਤਲਾਸ਼ਣ ਵੱਲ।