Sundraan

ਇਹ ਨਾਵਲ ਇੱਕ ਔਰਤ ਦੀ ਆਤਮ-ਗਾਥਾ ਰਾਹੀਂ ਸਮਾਜਕ ਬੇਇਨਸਾਫ਼ੀ ਦੀ ਵਿਰੋਧੀ ਆਵਾਜ਼ ਬਣਦਾ ਹੈ। ‘ਸੁੰਦਰਾਂ’ ਦੇ ਜ਼ਰੀਏ ਔਰਤ ਦੀ ਆਵਾਜ਼, ਉਸਦੇ ਦੁੱਖ, ਪਿਆਰ, ਕੁਰਬਾਨੀ ਅਤੇ ਨਿਆਂ ਦੀ ਤਲਾਸ਼ ਨੂੰ ਦਰਸਾਇਆ ਗਿਆ ਹੈ। ਨਾਵਲ ਵਿਖਾਉਂਦਾ ਹੈ ਕਿ ਸੁੰਦਰਾਂ, ਇੱਕ ਅਜਿਹੀ ਔਰਤ ਜੋ ਖੁਦ ਮਰਦ ਸਮਾਜ ਦੀ ਜ਼ਿਆਦਤੀਆਂ ਦੀ ਸ਼ਿਕਾਰ ਹੋਣ ਦੇ ਬਾਵਜੂਦ, ਉਲਟ ਨਿੰਦੀ ਜਾਂਦੀ ਹੈ। ਮਰਦ ਪ੍ਰਧਾਨ ਸੰਸਾਰ ਉਸਨੂੰ ਕਲੰਕਿਤ ਕਰਦਾ ਹੈ, ਹਾਲਾਂਕਿ ਉਹ ਬੇਗੁਨਾਹ ਹੁੰਦੀ ਹੈ। ਉਸਦੇ ਰੂਪ ਰਾਹੀਂ ਨਾਵਲ ਇਹ ਸੰਦੇਸ਼ ਦਿੰਦਾ ਹੈ ਕਿ ਔਰਤ ਨੂੰ ਸਦੀਆਂ ਤੋਂ ਉਹਨਾਂ ਗੁਨਾਹਾਂ ਦੀ ਸਜ਼ਾ ਮਿਲੀ ਜੋ ਉਸ ਨੇ ਕੀਤੇ ਹੀ ਨਹੀਂ। ਸੁੰਦਰਾਂ ਦੀ ਇਕੋ ਚਾਹਨਾ ਹੈ ਕਿ ਉਸ ਦਾ ਦੁੱਧ ਧੋਤਾ ਸੱਚ ਅਤੇ ਪਿਆਰ ਲੋਕਾਂ ਦੇ ਸਾਹਮਣੇ ਆਵੇ। ਇਹ ਕਹਾਣੀ ਔਰਤ ਦੀ ਅਸਲ ਪਛਾਣ ਅਤੇ ਨਿਆਂ ਦੀ ਪਿਆਸੀ ਆਤਮਾ ਦੀ ਗੂੰਜ ਹੈ ਜੋ ਮਰਦ ਸਮਾਜ ਦੀ ਵਿਵਸਥਾ ’ਚ ਦਬੀ ਰਹਿ ਜਾਂਦੀ ਹੈ।