Raah Raste

ਇਸ ਪੁਸਤਕ ਵਿੱਚ ਨਰਿੰਦਰ ਸਿੰਘ ਕਪੂਰ ਆਪਣੇ ਤਜਰਬਿਆਂ ਰਾਹੀਂ ਦੱਸਦੇ ਹਨ ਕਿ ਅਸੀਂ ਵਸਤਾਂ ਨਹੀਂ ਖਰੀਦਦੇ, ਸਗੋਂ ਆਪਣੀਆਂ ਅੰਦਰੂਨੀ ਲੋੜਾਂ ਅਤੇ ਸਮੱਸਿਆਵਾਂ ਦੇ ਹੱਲ ਲੱਭਦੇ ਹਾਂ। ਸੱਚਾ ਪ੍ਰੇਮ ਉਹ ਹੈ ਜਿਸ ਵਿੱਚ ਮਨੁੱਖ ਆਪਣਾ ਆਪ ਦਾਨ ਕਰ ਦਿੰਦਾ ਹੈ। ਉਨ੍ਹਾਂ ਦੀ ਲਿਖਤ ਦੱਸਦੀ ਹੈ ਕਿ ਜਿੱਥੇ ਮੁਕਾਬਲਾ ਨਹੀਂ ਹੁੰਦਾ, ਉੱਥੇ ਵਿਕਾਸ ਵੀ ਨਹੀਂ ਹੁੰਦਾ। ਜੀਵਨ ਦੇ ਅਸਲੀ ਸੁਖ ਨੂੰ ਪ੍ਰਾਪਤ ਕਰਨ ਲਈ ਤਿਆਗ, ਵੰਡ ਅਤੇ ਸ਼ਰਧਾ ਜਰੂਰੀ ਹਨ।
ਕਈ ਵਾਰ ਜੀਵਨ ਵਿਚ ਐਸੇ ਅਨੁਭਵ ਵੀ ਆਉਂਦੇ ਹਨ ਜੋ ਪਹਿਲਾਂ ਕੌੜੇ ਲੱਗਦੇ ਹਨ ਪਰ ਬਾਅਦ ਵਿੱਚ ਉਹੀ ਸਬਕ ਸਭ ਤੋਂ ਮਿੱਠੇ ਤੇ ਲਾਭਦਾਇਕ ਸਾਬਤ ਹੁੰਦੇ ਹਨ। ਇਹ ਕਿਤਾਬ ਦਿਲ ਨੂੰ ਛੂਹਣ ਵਾਲੇ ਅਨੁਭਵਾਂ ਅਤੇ ਸੋਚਾਂ ਰਾਹੀਂ ਪਾਠਕ ਦੇ ਮਨ ਨੂੰ ਜਗਾਉਂਦੀ ਹੈ।
ਰਾਹ ਰਸਤੇ ਨਾ ਸਿਰਫ਼ ਸੋਚਨ ਵਾਸਤੇ ਇੱਕ ਰਾਹ ਹੈ, ਸਗੋਂ ਜੀਵਨ ਨੂੰ ਸਮਝਣ, ਪਰਖਣ ਅਤੇ ਇਕ ਨਵੀਂ ਦਿਸ਼ਾ ਵਿਚ ਲੈ ਜਾਣ ਵਾਲਾ ਰਸਤਾ ਵੀ ਹੈ। ਇਹ ਕਿਤਾਬ ਉਹਨਾਂ ਲਈ ਖਾਸ ਹੈ ਜੋ ਜੀਵਨ ਨੂੰ ਡੂੰਘਾਈ ਨਾਲ ਸਮਝਣਾ ਚਾਹੁੰਦੇ ਹਨ ਅਤੇ ਆਪਣੇ ਅੰਦਰ ਅਸਲ ਤਬਦੀਲੀ ਲਿਆਉਣਾ ਚਾਹੁੰਦੇ ਹਨ।