Self Improvement

ਮਾਡਲ ਅਤੇ ਐਕਟਰੈਸ ਯਾਨਾ ਗੁਪਤਾ ਨੂੰ ਹਮੇਸ਼ਾਂ ਹੀ ਆਪਣੇ ਭਾਰ ਦੀ ਚਿੰਤਾ ਲੱਗੀ ਰਹਿੰਦੀ ਸੀ। ‘ਆਪਣੇ ਸਰੀਰ ਨੂੰ ਕਿਵੇਂ ਪਿਆਰ ਕਰੀਏ’ ਵਿਚ ਉਹ ਦੱਸਦੀ ਹੈ ਕਿ ਉਸਨੇ ਆਪਣਾ ਸੰਤੁਲਨ ਕਿਵੇਂ ਪ੍ਰਾਪਤ ਕੀਤਾ। ਉਹ ਸਾਨੂੰ ਆਪਣੇ ਖਾਣ-ਪੀਣ ਦੇ ਉਨ੍ਹਾਂ ਸਾਦੇ ਜਿਹੇ ਸਿਧਾਂਤਾਂ ਅਤੇ ਕੁਝ ਮਾਨਸਿਕ ਵਰਜਿਸ਼ਾਂ ਬਾਰੇ ਦੱਸ ਰਹੀ ਹੈ ਜਿਨ੍ਹਾਂ ਨੇ ਉਸ ਦਾ ਜੀਵਨ ਬਦਲ ਕੇ ਰੱਖ ਦਿੱਤਾ। ਫਿਰ ਉਹ ਤੁਹਾਨੂੰ ਇਸ ਤੋਂ ਅਗਲੇ ਪੜਾਅ ਵੱਲ ਵੀ ਲੈ ਕੇ ਜਾਂਦੀ ਹੈ ਜਿਸ ਵਿਚ ਉਹ ਤੁਹਾਨੂੰ ਆਪਣੇ ਸਰੀਰ ਨੂੰ ਪਿਆਰ ਕਰਨਾ ਸਿਖਾਉਂਦੀ ਹੈ। ਜਿਵੇਂ ਉਹ ਤੁਹਾਨੂੰ ਦੱਸੇਗੀ, ਐਸਾ ਕਰਨ ਤੋਂ ਬਿਨਾਂ ਤੁਸੀਂ ਕਦੇ ਵੀ ਸਹੀ ਅਰਥਾਂ ਵਿਚ ਖੁਸ਼ ਨਹੀਂ ਰਹਿ ਸਕਦੇ ਭਾਵੇਂ ਤੁਸੀਂ ਆਪਣਾ ਭਾਰ ਕਿੰਨਾ ਘਟਾ ਲਵੋ। ਆਪਣੇ ਸਰੀਰ ਨੂੰ ਕਿਵੇਂ ਪਿਆਰ ਕਰੀਏ ਇਕ ਪ੍ਰੇਰਨਾ ਦਾਇਕ, ਅਮਲੀ ਅਤੇ ਇਨਕਲਾਬੀ ਪੁਸਤਕ ਹੈ ਜਿਹੜੀ ਤੁਹਾਨੂੰ ਸਿਰਫ ਬਿਲਕੁਲ ਸਹੀ ਖੁਰਾਕ ਹੀ ਨਹੀਂ ਦੱਸਦੀ, ਸਗੋਂ ਇਹ ਤੁਹਾਨੂੰ ਸਿਹਤਮੰਦ ਮਨ ਦੀ ਖੁਰਾਕ ਵੀ ਦੱਸੇਗੀ।