Ram Sarup Anakhi

ਮ੍ਹਿੰਦਰ ਨੂੰ ਸਾਰੀਆਂ ਹੀ ਸੋਹਣੀਆਂ ਲੱਗੀਆਂ। ਸਭ ਦਾ ਰੰਗ ਸਾਂਵਲਾ ਅਤੇ ਅੱਖਾਂ ਮੋੋਟੀਆਂ-ਮੋਟੀਆਂ। ਸਿਰਾਂ ਦੇ ਵਾਲ ਲੰਬੇ-ਲੰਬੇ। ਪਾਰੋ ਨੇ ਸਭ ਤੋਂ ਵੱਡੀ ਦੀ ਉਮਰ ਚੌਂਤੀ-ਪੈਂਤੀ ਸਾਲ ਦੱਸੀ। ਉਹਦਾ ਮੁੱਲ ਪੰਦਰਾ ਹਜ਼ਾਰ ਸੀ। ਦੋ ਕੁੜੀਆਂ ਅਠਾਈ-ਅਠਾਈ, ਤੀਹ-ਤੀਹ ਸਾਲਾਂ ਦੀਆਂ ਸਨ। ਪਾਰੋ ਨੇ ਦੱਸਿਆ ਕਿ ਇਹਨਾਂ ਦਾ ਸੌਦਾ ਹੋ ਚੁੱਕਿਆ ਹੈ। ਵੀਹ-ਵੀਹ ਹਜ਼ਾਰ ਵਿਚ। ਉਹ ਪੰਜ-ਪੰਜ ਹਜ਼ਾਰ ਰੁਪਿਆ ਬਿਆਨਾ ਫੜਾ ਗਏ ਹਨ। ਬਾਕੀ ਰਕਮ ਦੇ ਕੇ ਇਹ ਪਰਸੋਂ ਨੂੰ ਚਲੀਆਂ ਜਾਣਗੀਆਂ। ਉਹ ਕਹਿੰਦੀ, ‘‘ਹੁਣੇ ਗਏ ਨੇ। ਇਕੋ ਪਿੰਡ ਦੇ ਸੀ।’’ ਦੋ ਕੁੜੀਆਂ ਚੌਵੀ-ਚੌਵੀ, ਪੱਚੀ-ਪੱਚੀ ਸਾਲਾਂ ਦੀਆਂ ਸਨ। ਉਹ ਪੱਚੀ-ਪੱਚੀ ਹਜ਼ਾਰ ਵਿਚ ਜਾਣਗੀਆਂ। ਅਠਾਈ-ਤੀਹ ਸਾਲ ਵਾਲੀਆਂ ਦੋਵੇਂ ਕੁੜੀਆਂ ਪਾਰੋ ਨੇ ਤੁਰਤ ਹੀ ਰਸੋਈ ਵਿਚ ਭੇਜ ਦਿੱਤੀਆਂ ਅਤੇ ਆਪਣੀ ਭਾਸ਼ਾ ਵਿਚ ਉਹਨਾਂ ਨੂੰ ਸਮਝਾਇਆ ਕਿ ਚਾਹ ਬਣਾ ਲੈਣ ਸਾਰਿਆਂ ਵਾਸਤੇ